(Видео) Дрон погоди голема фабрика за челик на северот на Русија, не се знае дали е украински

(Видео) Дрон погоди голема фабрика за челик на северот на Русија, не се знае дали е украински

пред 4 месеци

Беспилотно летало се урна во фабриката за челик Северстал во северниот руски град Череповец, доаѓајќи во близок контакт со висока печка, изјави на Телеграм регионалниот гувернер на Вологда, Георги Филимонов.

Никој не беше повреден. Високата печка не е оштетена, а челичарницата се уште работи нормално, рече тој. Канцеларијата за медиуми соопшти дека високата печка била исклучена поради планирана работа, јавуваат руските медиуми.

Нема индикации дека дронот дошол од Украина, која е на 900 километри од Череповец, клучен индустриски центар во регионот, претежно познат по најголемата фабрика за производство на челик во земјата.

Сепак, извештајот доаѓа еден ден откако украинските борбени беспилотни летала погодија фабрика за преработка на железна руда во руската област Курск, во близина на границата, предизвикувајќи пожар.

Во обид да ја одбие руската инвазија, Украина го засилува таргетирањето на руските индустриски капацитети кои и помагаат на Москва во нејзините воени напори, вклучително и рафинериите за нафта и гасните терминали. Опсегот на украински беспилотни летала значително се зголеми од почетокот на војната.

Текстот (Видео) Дрон погоди голема фабрика за челик на северот на Русија, не се знае дали е украински е превземен од МАКФАКС.

Share
Scroll to Top