(Видео) Немири во Албанија поради проектот на зетот на Трамп: демонстрантите се обидоа да ги урнат оградите

Специјалното обвинителство за борба против корупцијата во Албанија започна истрага за проект за луксузното одморалиште поврзано со Џаред Кушнер, зет на американскиот претседател Доналд Трамп, додека протестите на граѓаните и еколошките групи против проектот продолжуваат.

Проектот го вклучува ненаселениот јадрански остров Сазан и неколку стотици хектари од заштитеното подрачје Вјоса-Нарта, чувствителен крајбрежен мочуришен екосистем кој е дом на фламинга, медитерански морски фоки и морски желки, објавува Политико.

СПАК, специјалното обвинителство за борба против корупцијата во Албанија, вчера потврди дека отворило истрага за контроверзните промени во статусот на заштитеното подрачје и сопственоста на земјиштето, кои овозможиле развој на туристички објекти.

Рама: Студијата за влијанието врз животната средина сè уште не е завршена
Кушнер, кој ја води инвестициската фирма „Афинити партнерс“, управува и со посебен дел за недвижности вреден повеќе милијарди долари. Тој е и специјален пратеник на Трамп за мир и е вклучен во дипломатски преговори поврзани со Газа, Иран и војната во Украина.

Во август 2024 година, Кушнер откри план за „Афинити партнерс“ за изградба на луксузно одморалиште во областа, а на почетокот на 2026 година го посети местото со сопругата Иванка Трамп. Албанскиот премиер Еди Рама неодамна потврди за „Политико“ дека преговорите меѓу владата и Кушнер сè уште се во тек и дека проектот предвидува изградба на дури 10.000 хотелски соби.

IMPORTANT:

While it is true that organized crime, drug traffickers, and corrupt state officials are literally looting #Albania's resources, especially public land in the south, the entire Russian, Iranian and Muslim Brotherhood network of influence in the country has moved to…

— Juxhin Çela (@JuxhinCelaEU) May 31, 2026

Зборувајќи пред албанскиот парламент, Рама ги отфрли тврдењата дека проектот зафаќа дел во заштитен природен резерват. Тој истакна дека конечниот предлог сè уште не е поднесен и дека студијата за влијанието врз животната средина не е завршена.

Протестите на граѓаните и еколошките групи започнаа кон крајот на мај откако инвеститорите поставија големи огради од бодликава жица на предложената локација во Звернец, јужна Албанија, блокирајќи ги локалните жители и туристите да пристапат до плажата.

Во неделата навечер, демонстрантите, меѓу кои граѓани и претставници на неколку еколошки групи, се собраа пред владините канцеларии и побараа проектот да се запре, областа да се заштити од градба, па дури и оставка на премиерот.

Update: Protests escalated in the Zvernec area.

According to protesters, private security personnel "kidnapped" a protester and used pepper spray against protesters and Albanian police.

The protest was attended by the leader of Albania's left-wing Bashke party. https://t.co/akrM39ghpK pic.twitter.com/kwJZ3hrthw

— kos_data (@kos_data) May 30, 2026

По протестите во саботата, се појавија снимки на кои се гледа како обезбедувањето од приватна компанија за обезбедување физички напаѓа и влече еден демонстрант, додека им се заканува на другите демонстранти откако се обидоа да ги отстранат оградите и да ја спречат работата.

По инцидентот, албанските власти им ги одзедоа лиценците на две компании за обезбедување, а еден обезбедувач беше уапсен и приведен. Кривични пријави беа поднесени против околу петнаесет демонстранти, додека локалниот началник на полицијата беше разрешен од функцијата.

Текстот (Видео) Немири во Албанија поради проектот на зетот на Трамп: демонстрантите се обидоа да ги урнат оградите е превземен од МАКФАКС.