(Видео) Силна експлозија во Ерусалим, дел од иранска ракета паднал врз Стариот град

Откако беше прогласена воздушна тревога во Израел поради ирански ракетен напад, беше пријавена силна детонација во Стариот град на Ерусалим.

Делови од иранска балистичка ракета паднаа во Стариот град на Ерусалим откако ракетата беше пресретната од израелската воздушна одбрана, соопшти израелската војска.

Another video shows the moment a fragment from an Iranian ballistic missile struck Jerusalem's Old City this afternoon. pic.twitter.com/qNvTXmRDr6

— Emanuel (Mannie) Fabian (@manniefabian) March 20, 2026

Остатоци оштетија паркинг во еврејската четврт, на околу 400 метри од Западниот ѕид и комплексот на џамијата. Израелските сили ја блокираа областа на нападот и им забранија пристап на новинарите.

BREAKING: Iranian ballistic missile impact reported in the Old City of Jerusalem. This comes on both Nowruz and Eid al-Fitr, with Al-Aqsa mosque closed for the first time since 1967. pic.twitter.com/iDCqjdWkTG

— Conflict Alarm (@ConflictAlarm) March 20, 2026

Едно лице е повредено во инцидентот. Палестинската Црвена полумесечина соопшти дека повредениот маж е однесен во болница поради рани од шрапнели.

Израелската полиција соопшти дека пиротехничари и експерти за експлозиви работат на терен за да ја отстранат опасноста и да ја обезбедат областа.

Нападот се случи на муслиманскиот празник Бајрам, еден од најсветите денови во исламот, додека ракетните сирени постојано се слушаа во текот на целиот ден во Ерусалим.

Израелското Министерство за надворешни работи соопшти дека нападот врз светите места „ја покажува лудоста на иранскиот режим“, за која вели дека се претставува како религиозна.

Фото: ЕПА

Текстот (Видео) Силна експлозија во Ерусалим, дел од иранска ракета паднал врз Стариот град е превземен од МАКФАКС.