(Видео) Спасениот екипаж на тајландски брод се врати во Бангкок

Дваесет членови на екипажот спасени од тајландски товарен брод кој беше нападнат во Ормутскиот теснец минатата недела се вратија безбедно во Бангкок. Тие слетаа на главниот аеродром во тајландската престолнина околу 8 часот наутро по локално време во понеделник, каде што ги пречекаа службеници.

Сите членови на екипажот кои се вратија се во добра здравствена состојба. Службеник во конзуларниот оддел на Тајланд изјави за Ројтерс дека се „подготвени да се вратат на своите должности“. Сепак, најмалку тројца членови на екипажот сè уште се водат како исчезнати.

Thailand summoned Iran’s ambassador after a Thai-flagged cargo vessel was hit near the Strait of Hormuz, with Oman rescuing 20 crew members while three remain missing. pic.twitter.com/FrjDxyKco7

— Terror Alarm (@Terror_Alarm) March 12, 2026

Бродот, „Мајуре Наре“, беше нападнат минатата среда затоа што „ги игнорираше предупредувањата и постојано се обидуваше нелегално да помине низ Ормутскиот теснец“, наведува Иранската револуционерна гарда во соопштението објавено од полуофицијалната новинска агенција Фарс.

Иранските вооружени сили, исто така, објавија дека либерискиот брод „Експрес Рим“ бил исто така „погоден од ирански ракети“ истото утро откако ги игнорираше предупредувањата од морнарицата на Иранската револуционерна гарда, објави Фарс.

Текстот (Видео) Спасениот екипаж на тајландски брод се врати во Бангкок е превземен од МАКФАКС.