(Видео) Трамп го нападна градоначалникот на Лондон: „Тој е меѓу најлошите во светот“

Американскиот претседател Доналд Трамп изјави дека не сакал градоначалникот на Лондон, Садик Кан, да присуствува на државниот банкет во Велика Британија што се одржа во негова чест и побара да не биде поканет.

„Мислам дека градоначалникот Кан е еден од најлошите градоначалници во светот, а имаме и неколку лоши“, им рече Трамп на новинарите во авионот „Ер Форс Уан“.

„Тој заврши ужасна работа. Криминалот во Лондон е на рекордно високо ниво. Градоначалникот на Лондон, Кан, градоначалникот Кан, заврши ужасна работа, а во однос на имиграцијата, тој е катастрофа. Не, побарав да не биде таму. Тој сакаше да биде таму, како што јас разбирам.“

Trump says he specifically requested that @SadiqKhan should be excluded from the UK state banquet:

"On immigration, he's a disaster."

As mayor of London, Khan has no powers over immigration. pic.twitter.com/xqXeKu01nV

— Adam Schwarz (@AdamJSchwarz) September 18, 2025

Трамп додаде дека чувствува „извесна гордост во Лондон и Велика Британија“, истакнувајќи дека неговата мајка е родена во Шкотска.

„Кога го гледам градоначалникот Кан како лошо си ја врши работата, со нападите со нож, нечистотијата и гнасотијата, не е исто. Не. Не го сакав таму“, рече тој.

Градоначалникот на Лондон одговори на коментарите на Трамп. Според „Скај њуз“, Кан неколку недели претходно јасно ставил до знаење дека не бара ниту очекува покана за државниот банкет.

Извор близок до градоначалникот изјавил: „Политиките на Трамп се засноваат на страв и поделба. Тоа вклучува и омаловажување на нашиот голем главен град“.

фото: принтскрин

Текстот (Видео) Трамп го нападна градоначалникот на Лондон: „Тој е меѓу најлошите во светот“ е превземен од МАКФАКС.