Во Португалија останале уште само седум слободни кревети на одделите за интензивна нега

пред 5 месеци

Португалските власти денеска објавија дека им останале само седум слободни кревети во одделенијата за интензивна нега, наменети за пациенти со тешка форма на Ковид-19 и дека ненадејниот пораст на бројот на заразени лица во земјата ги принудил да пренесат некои критично болни пациенти на португалските острови.

Според тамошното Министерство за здравство, од 850 легла во одделенијата за интензивна нега наменети за ковид-пациенти, засега се зафатени дури 843 кревети.

Нацијата од 10 милиони жители има уште дополнителни 420 кревети во единиците за интензивна нега, но тие се наменети за пациенти кои страдаат од други сериозни болести.

Министерството за здравство објави дека денеска се регистрирани 12.435 нови случаи на инфекција, што е помалку од рекордните податоци од четвртокот, а забележана е и дневна бројка од 293 починати како резултат на компликации од Ковид-19.

Според португалското министерство, 711.018 инфекции со коронавирус и 12.179 смртни случаи се регистрирани во Португалија од почетокот на пандемијата, а статистиките покажуваат дека во изминатата недела Португалија го забележала светски највисокиот просечен седумдневен број на заразени со коронавирус, како и број на смртни случаи по жител.

Министерството за правда во петокот соопшти дека Институтот за судска медицина, кој меѓудругото, врши аутопсија и за полициски цели, побарал камион-ладилник за да ги чува телата на починатите, бидејќи погребните претпријатија не стигале да ги преземат навреме.

Здружението што ги претставува погребните претпријатија извести дека јавните болници исто така немаат доволно ладилници за складирање на телата. Некои болници биле принудени да донесат уште ладилници за да го намалат притисокот врз мртовечниците.

Share

AniWatch anime online: TONIKAWA: Over the Moon For You Episode 12

WCOStream mickey and the roadster racers wcostream: Boruto: Naruto Next Generations (https://wcostream.cc/m/98Yk) Episode 194

Scroll to Top