пред 3 години Немате причина за непроспиена ноќ. Со овие зборови, претседателот на Украина, Владимир Зеленски, им се обрати на граѓаните за состојбата во земјата.
Во видео-обраќањето што го објави на својот Инстаграм профил, тој исто така рече дека границите на земјата се сигурно заштитени и дека партнерите ја поддржуваат Украина.
Претседателот на Украина рече и дека одлуката на Русија да ја признае независноста на републиките во Донбас значи кршење на суверенитетот и интегритетот на Украина и еднострано напуштање на договорите од Минск.
„ Последните потези на Русија за Украина недвосмислено значат повреда на суверенитетот и територијалниот интегритет на нашата земја. Целата одговорност за последиците од споменатите одлуки е на политичкото раководство на Русија“, рече тој во своето обраќање до нацијата.
Зеленски посочи дека Киев иницирал вонреден состанок на нормандската четворка (Русија, Украина, Франција, Германија).
„ Киев е посветен на политичко-дипломатско решение на проблемот и нема да подлегне на провокации, туку го задржува правото на индивидуална и колективна одбрана“ рече украинскиот претседател.
Тој додаде и дека руските власти со овие одлуки ги легализираат своите сили, кои се наоѓаат во Донбас од 2014 година.
„ Никому ништо не должиме и никому ништо нема да предадеме“, прача Зеленски.
Би можело да ве интересира
Шолц: Иритирачко е одбивањето на Киев да го посети претседателот на Германија
Можеме да ги приспособиме вакцините кон новата варијанта за околу 100 дена, велат од „Фајзер“
Продуцентите се виновни за несреќата на снимањето на филмот со Алек Болдвин, вели одговорната за оружје
Маж осуден на пет години затвор затоа што заразил осум лица со коронавирус
Во Белград ќе биде организиран концерт за да се види како се шири коронавирусот
„Фајзер“ и „Бионтек“ започнаа со тестирање на вакцината против Ковид-19 врз бремени жени
