Иран погоди танкер полн со нафта во Дубаи

Иранските сили директно нападнаа кувајтски танкер за нафта додека бил закотвен во пристаништето Дубаи во Обединетите Арапски Емирати, објави синоќа кувајтската државна новинска агенција, повикувајќи се на Kuwait Petroleum Corporation, пишува Њујорк Тајмс.

Властите на Дубаи реагираа на инцидент во кој дрон погодил танкер, по што избувнал пожар во емиратските води, според прес-службата на владата на Дубаи. Никој од 24-те членови на екипажот не е повреден и тие се безбедни, се додава во соопштението. Морските противпожарни екипи го гаселе пожарот, кој подоцна успеале да го стават под контрола.

UKMTO WARNING 029-26

Click here to view the full warning.https://t.co/UGR5vLAKQi#MaritimeSecurity #Marsec pic.twitter.com/LyI3EV6kMf

— UKMTO Operations Centre (@UK_MTO) March 30, 2026

Танкерот бил полн со нафта, што претставувало закана за еколошка катастрофа
Кувајтската нафтена корпорација наведува дека танкерот Ал-Салми бил целосно натоварен во времето на нападот и бил погоден од иранските сили. Трупот на бродот бил оштетен, а пожарот и штетата можеле да предизвикаат излевање на нафта во околното море, предупредија тие. Преземени се мерки за спречување на еколошка штета.

„Танкер Трекерс“, компанија која ги следи движењата на танкерите, соопшти дека бродот превезувал околу два милиони барели сурова нафта, околу 1,2 милиони од Саудиска Арабија и околу 800.000 од Кувајт. Компанијата соопшти дека танкерот завршил со товарење пред околу еден месец.

Kuwait's Petroleum Corporation says that Iranian forces attacked the oil tanker Al-Salmi in the Persian Gulf tonight.

The strike set the vessel on fire, damaging the hull, with a "possibility of an oil spill in the surrounding waters." pic.twitter.com/jelug9Rl98

— OSINTtechnical (@Osinttechnical) March 30, 2026

„Ал-Салми“ е масивен танкер, долг речиси 1.000 стапки, изграден во 2011 година од јужнокорејската компанија „Daewoo Shipbuilding and Marine Engineering“.

Иран сè уште не го коментирал нападот. Во меѓувреме, кувајтската војска соопшти дека се соочува со непријателски ракетни и беспилотни напади.

Текстот Иран погоди танкер полн со нафта во Дубаи е превземен од МАКФАКС.