Најмалку 37 загинати во протестите во Уганда

пред 3 месеци

Најмалку 37 лица загинаа и стотици се приведени во немирите во Уганда, кои избија по апсењето на претседателскиот кандидат и поп-sвезда Боби Вајн, соопшти полицијата, додека источноафриканската држава се подготвува за избори во јануари.

Властите распоредија војници во главниот град Кампала и околните области за да и помогнат на полицијата да ги растера демонстрантите. Притоа користеле вистински куршуми, солзавец и водни топови за да ги смират нередите.

Вајн, чие вистинско име е Роберт Кјагулани, е уапсен во средата додека водел кампања во источна Уганда поради наводно одржување масовни митинзи со кои ги крши ограничувањата за собирање што ги донела владата со цел да се сузбие коронавирусот.

„Досега се пронајдени 37 тела“, изјави за „Ројтерс“ полицискиот патолог Мозес Бјаруханг.

Портпаролот на полицијата Фред Енанга изјави дека приведените демонстранти биле вклучени во насилства и напади врз луѓе кои не ја поддржуваат Платформата на националното единство на Вајн (НУП).

„Во последниве денови, сведоци сме на насилство, вандализам, кражба, заплашување и закани, злосторства извршени врз луѓе кои не се за НУП. Не можеме да го толерираме тоа”, рече тој.

Share

Watch Redo of Healer Episode 1 Uncen (https://gogoanime.be/m/B1Jx/ep-1) at GoGoAnime gogoanime boku no hero academia

Black Clover Episode 159 at website https://crunchyrollfree.com. See more crunchyroll premium account reddit 2020

Scroll to Top