Папата одржа миса на надморска височина од 3.700 метри

Папата одржа миса на надморска височина од 3.700 метри

пред 59 минути

Папата Лав XIV вчера служеше миса на надморска височина од 3.700 метри во перуанскиот град Куско, на древниот локалитет на Инките – мегалитската тврдина Саксајхуаман. На мисата присуствуваа десетици илјади луѓе, од кои многумина допатуваа од многу оддалечени краишта.

За време на мисата, Светиот Отец повика на зачувување и пренесување на традициите, нагласувајќи ја важноста од вклучување на помладите генерации.

„Секоја генерација добива наследство и има одговорност да го пренесе понатаму – збогатено и обновено“, рече Лав.

Тој истакна дека иднината на обичаите не лежи само во зачувувањето на она што е наследено, туку и во неговото пренесување на другите додека сме сè уште живи.

По операцијата на пулмонален аденокарцином пред еден месец, постоеше загриженост дека разредениот планински воздух би можел негативно да влијае врз 71-годишниот папа. Сепак, Светиот Отец ја отслужи целата миса без никакви видливи тешкотии.

Текстот Папата одржа миса на надморска височина од 3.700 метри е превземен од МАКФАКС.

Share
Scroll to Top