Самоубиствен напад во џамија во Исламабад: 11 загинати и речиси 100 повредени

Во експлозија во џамија во главниот град на Пакистан, Исламабад, загинаа 11 лица, а речиси 100 се повредени, соопштија локалните власти.

Според информациите, експлозијата се случила по петочната молитва во шиитска џамија.

„До експлозијата дојде по петочната молитва во шиитска џамија“, изјавил за АФП висок полициски извор кој сакал да остане анонимен.

Според објавите на социјалните мрежи, експлозијата се случила во Имам Баргах во областа Тарлаи Калан во предградието на Исламабад, при што има повеќе жртви и повредени.

На социјалните мрежи се споделуваат вознемирувачки фотографии од телата на жртвите, како и видеа од повредени верници кои ја преживеале експлозијата.

Првичните информации укажуваат дека нападот го извршил бомбаш самоубиец.

#FLASHINFO | Une explosion dans une mosquée d’Islamabad (#Pakistan) en pleine prière du vendredi fait plus de 15 morts et 80 blessés.

Le nombre exact de victimes varie encore car les secours sont toujours sur place et les bilans évoluent rapidement. pic.twitter.com/jaHI22BB4u

— Saudi News FR 🆇 (@SaudiNewsFR) February 6, 2026

Текстот Самоубиствен напад во џамија во Исламабад: 11 загинати и речиси 100 повредени е превземен од МАКФАКС.