пред 3 години Поранешниот француски претседател Никола Саркози денеска го поддржа Емануел Макрон во пресрет на вториот круг од претседателските избори во Франција.
Според „Ројтерс“, поддршката на Саркози секако ќе му помогне на Макрон да ги привлече гласачите кои ја поддржаа конзервативната Валери Пекрес во првиот круг од гласањето, но може да ги одврати левичарските гласачи.
„ Ќе гласам за Емануел Макрон бидејќи мислам дека тој го има потребното искуство додека се соочуваме со длабока меѓународна криза, посложена од кога било“, напиша Саркози во објавата на социјалните мрежи.
Макрон во вториот круг на гласање се бори да ги убеди гласачите од работничката класа да гласаат за него, а не за кандидатката на крајната десница Марин Ле Пен.
Сепак, има и такви во таборот на Макрон кои стравуваат дека поддршката на Саркози може да доведе до апстиненција од гласачите.
Би можело да ве интересира
На Малта запленет тон и пол кокаин во контејнер со банани за Словенија
Американски власти: Путин испраќа генерал познат по својата бруталност во Украина
Советникот на Зеленски за преговорите: „Беше тешко, но немаше руски ултиматум“
Белгија воведува обврска за работа од дома 4 дена во неделата
Струјата во Србија поскапува од утре за 3,4 отсто
Се затвораат ноќните клубови во Софија
