Унгарија воведува данок за најбогатите

Унгарската влада предложи воведување данок на богатство за лицата чиј имот надминува една милијарда форинти, односно околу 3,08 милиони долари, соопшти премиерот Петер Маѓар. Мерката е дел од предизборните ветувања на неговата владејачка партија Тиса.

Според предлогот, од јануари 2027 година ќе се плаќа годишен данок од еден отсто на делот од имотот што ја надминува границата од една милијарда форинти.

За лицата со богатство поголемо од 100 милијарди форинти, односно околу 308 милиони долари, е предвидена повисока стапка од 1,5 отсто на износот над тој праг.

Данокот би ги опфатил недвижностите, инвестициите, уделите во компании и имотот што се наоѓа надвор од Унгарија, додека кредитите би се одбивале од даночната основица.

Владата сè уште не соопшти колкав приход очекува од мерката. Предлогот наскоро треба да биде објавен за јавна консултација, а потоа се очекува да биде усвоен во парламентот, каде што Тиса има големо мнозинство.

Тиса победи на изборите во април и стави крај на 16-годишното владеење на Виктор Орбан, а новата влада сега се соочува со буџетски дефицит проектиран на 7,5 отсто од БДП.

Текстот Унгарија воведува данок за најбогатите е превземен од МАКФАКС.