Харстад: Норвешка планира разговори со Русија

Норвешка планира да одржи разговори со Русија со цел да се зачува безбедноста и стабилноста во арктичкиот регион, изјави портпаролот на норвешките вооружени сили, Руне Харстад, според медиумите.

Тој изјави дека дијалогот треба да се одвива и на оперативно и на стратешко ниво, нагласувајќи дека главната цел е да се спречат инциденти во областите каде што норвешкиот и рускиот персонал, како и бродовите, можат да се најдат во непосредна близина.

„Обезбедувањето на безбедноста на рускиот и норвешкиот персонал што дејствува на Далечниот Север помага во одржувањето на безбедноста и стабилноста на самиот регион“, рече Харстад.

Според него, контактите со Москва се сведени на минимум, но Осло сè уште смета дека е важно да се одржи комуникацијата за прашања за кои постои договор за дискусија.

„Целта на ваквите контакти е безбедноста на луѓето и бродовите кога се во непосредна близина еден до друг“, додаде портпаролот на норвешката армија.

Порано беше објавено дека норвешките власти не ги поканија руските дипломати на комеморативните церемонии по повод крајот на Втората светска војна ниту оваа година.

Текстот Харстад: Норвешка планира разговори со Русија е превземен од МАКФАКС.