Чешка нема да го поддржи планот на ЕУ за помош на Украина: „Нема да даваме гаранции за ништо“

Чешка нема да дава никакви гаранции за финансирање на Украина, изјави новиот чешки премиер Андреј Бабиш, кој ќе ја преземе функцијата во понеделник, додавајќи дека Европската комисија мора да најде алтернативни начини за поддршка на земјата.

Европските лидери следната недела ќе разговараат за сложената шема за заем за Украина што ќе користи замрзнати руски средства, но ќе вклучува и национални гаранции.

„Нема да земаме гаранции за ништо, ниту ќе инвестираме никакви пари“, рече Бабиш, според видео од изјавата објавена на социјалните мрежи.

Сите земји-членки на ЕУ, освен две, во петокот преку писмена постапка ја одобрија одлуката за трајно замрзнување на руските средства, што е клучен предуслов за одобрување на заем за репарација за Украина.

Ова е клучен дел од предлогот на Европската комисија за користење на замрзнатите руски средства како основа за репарациски заем за Украина.

Фото: depositphotos

Текстот Чешка нема да го поддржи планот на ЕУ за помош на Украина: „Нема да даваме гаранции за ништо“ е превземен од МАКФАКС.