Бајден испраќа нов пакет оружје во Украина

Американскиот претседател Џозеф Бајден ќе потпише одобрение за нов пакет оружје за Украина во вредност од најмалку 100 милиони долари во наредните денови, изјавија денеска тројца американски претставници.

var ai_block_div = document.getElementsByClassName (‘ai-viewports’); ai_insert_code (ai_block_div [ai_block_div.length – 1]);

Тие го рекоа тоа под услов да останат анонимни и додадоа дека најновата испорака на оружје веројатно ќе содржи повеќе муниција за системи како хаубици, пренесува Ројтерс.

Се наведува дека САД од почетокот на руската операција на Украина и испратиле оружје во вредност од 3,4 милијарди долари, а освен хаубици, се користат и противвоздушни системи „Стингер“, противтенковски ракети „Џавелин“ и муниција.

Минатиот месец Бајден предложи пакет помош од 33 милијарди долари за Украина, од кои повеќе од 20 милијарди долари треба да одат за воени фондови.