Болсонаро во болница поради опструкција во цревата

Бразилскиот претседател Жаир Болсонаро, кој беше хоспитализиран во неделата, има интестинална опструкција – нарушување во цревата.

Ова утрово го потврдија од болницата „Вила Нова Стар“ во Сао Паоло.

Болсонаро (66) бил примен во болница поради болки во стомакот и бил прегледан за да се утврди дали е неопходна операција, изјави лекарот на Болсонаро, Антонио Луис Маседо, објави „Ројтерс“.

– Comecei a passar mal após o almoço de domingo.
– Cheguei ao hospital às 03h00 de hoje.
– Me colocaram sonda nasogástrica.
– Mais exames serão feitos para possível cirurgia de obstrução interna na região abdominal. pic.twitter.com/NPgv6HwoHj

— Jair M. Bolsonaro (@jairbolsonaro) January 3, 2022

Бразилскиот претседател изјави дека ова е негова втора хоспитализација со исти симптоми, откако беше избоден за време на претседателската кампања во септември 2018 година.

Претседателот беше примен во болница во јули минатата година поради интестинална опструкција, а потоа не му требаше операција за да закрепне, пренесува АП.