Британија: Русите се принудени да се вратат во Белорусија и Русија за да се реорганизираат

Британското воено разузнавање соопшти дека руските војници кои претрпеле големи загуби во Украина биле принудени да се вратат дома и во соседна Белорусија за да се реорганизираат и да се снабдат.

„Таквата активност значи дополнителен притисок врз и онака напнатата логистика на Русија и ги покажува тешкотиите што Русија ги има во реорганизацијата на своите војници во пунктови во Украина“, се вели во соопштението на британското Министерство за одбрана.

Русија најверојатно ќе продолжи да ја надоместува намалената способност за маневрирање на копно со масивни артилериски и ракетни напади, додаде Министерството. Станбените области на источниот украински град Лисичанск беа гранатирани со тешка артилерија во средата наутро, напиша во телеграма регионалниот гувернер на Луганск, Серхи Хајдаи.

„Оштетени се многу високи згради. Информациите за жртвите се уште се потврдуваат“, рече тој. Многу згради се урнаа. Спасувачите се обидуваат да ги спасат преживеаните“, рече тој.