пред 3 години Поради брзото ширење на омикрон варијантата на коронавирус, Обединетото Кралство за денеска свика непланиран состанок на министрите за здравство на Г7.
Министрите за здравство, кои ги претставуваат индустриски најразвиените земји во светот, ќе разговараат за актуелната ситуација со ширењето на омикрон варијантата, објави портпаролот на британската влада.
Британија е актуелен претседавач со Г7, група во која уште членуваат и САД, Канада, Франција, Германија, Италија и Јапонија. Светската здравствена организација процени дека варијантата омикрон, која првпат беше откриена во Јужна Африка, е загрижувачка.
Европскиот центар за контрола на болести, исто така изрази сериозна загриженост дека омикрон може значително да ја намали ефикасноста на сегашните вакцини и да го зголеми ризикот од повторна инфекција.
Омикрон варијанта по нејзиното откривање веќе се појави во неколку држави и се чини дека се шири многу брзо. Голем број држави веќе воведоа строги ограничувања за патување.
Би можело да ве интересира
Албанците протестираат за цената на горивото
Соединетите Американски Држави најавуваат хуманитарна помош за Украина од 54 милиони долари
Тедрос: Земјите треба да ја забрзаат вакцинацијата во борбата против омикронот
ЕУ протера тројца руски дипломати
(Видео) Приврзаниците на Трамп ги пробија полициските барикади и влегоа во зградата на Конгресот
Индија ја премина „темната линија“ од 8 милиони заболени со коронавирус
