пред 4 години Шест лица се спасени, а четири загинаа кога украински товарен брод со 12 член екипаж потона денес крај брегот на турската црноморска провинција Бартин.
„Шест лица беа спасени од товарниот брод“, рече провинцискиот гувернер Синан Гунер, јави агенцијата Анадолија.
Бродот потонал поради лошите временски услови.
„Загинаа четири лица. Потрагата беше прекината поради големите бранови, но хеликоптери летаат над областа”, нагласи гувернерот.
Првичните информации беа дека бродот е руски, сепак, РИА Новости наведува дека станува збор за брод што пловел под знамето на државата Палау, а е во сопственост на украинска компанија и бил отстранет од рускиот регистар во 1997 година.
Министерството за надворешни работи на Украина потврди дека на бродот имало 10 украински државјани, како и двајца Руси.
Би можело да ве интересира
Француската амбасадорка во Бугарија: Предлогот е ист со првичниот што беше изгласан во бугарскиот парламент
Пред училиштето во Тексас беше положено цвеќе и им беше оддадена почит на жртвите
Европската комисија го одобри планот за Бугарија вреден шест милијарди евра
Меркел и полскиот премиер со заеднички став за тензиите со Белорусија
Пратениците од партијата на Орбан ја напуштаат ЕПП
(Видео) Осуетен државен удар на Хаити, уапсени 23 лица
