Вакцината на „Фајзер“ со ефикасност од 90,7 % кај деца на возраст меѓу 5 и 11 години

Неодамнешните истражувања покажаа дека вакцината на „Фајзер“ против коронавирус е 90,7 проценти ефикасна во спречувањето на симптоматски инфекции кај деца на возраст од 5 до 11 години.

За време на тестирањето, 16 деца кои примиле плацебо биле заразени со Ковид-19, во споредба со три деца кои биле вакцинирани, изјавија од „Фајзер“ при доставувањето на документацијата до американската Администрација за храна и лекови (ФДА).

Клиничките испитувања на деца на возраст од пет до 11 години не се дизајнирани првенствено за да ја измерат ефикасноста против Ковид-19, туку да направат споредба на количината на неутрализирачки антитела кај вакцинираните деца со оние кај возрасните.

Врз основа на овие резултати, од „Фајзер“ и „Бионтек“ минатиот месец изјавија дека нивната вакцина создала силен одговор кај децата.