Велика Британија има нов премиер, четврти за четири години

Британскиот крал Чарлс го назначи новиот лидер на Британската лабуристичка партија, Енди Бернам, за премиер и му ја довери задачата за формирање влада, објави Бакингемската палата.

Во придружба на неговата сопруга од холандско потекло Мари-Франс ван Хил, поранешниот градоначалник на Манчестер, 56-годишниот Бернам пристигна во палатата напладне, а потоа се упати кон седиштето на владата на Даунинг стрит 10. Тој е четвртиот премиер откако Чарлс III се искачи на тронот во септември 2022 година.

Бернам беше назначен за нов лидер на Лабуристичката партија на вонреден конгрес во петокот, а како лидер на владејачката партија, која ужива убедливо мнозинство во британскиот парламент од изборите во 2024 година, тој ја држи и функцијата премиер, јавува британската Би-Би-Си.

Поранешниот градоначалник на Манчестер стана шестиот премиер што ја презеде британската влада од 2016 година. Тој го наследи Кир Стармер, кој официјално поднесе оставка до монархот во Бакингемската палата денес, откако одржа проштален говор пред резиденцијата на премиерот на Даунинг стрит 10.

Енди вети дека ќе го подобри животниот стандард низ целата земја. Една од неговите централни идеи е децентрализацијата на моќта меѓу градовите и регионите, вклучително и основањето на филијала на Канцеларијата на премиерот во Манчестер.

Стармер, кој беше отстранет од парламентот од неговата сопствена Лабуристичка партија пред еден месец, рече дека премиерската функција била привилегија и дека сака Бернам да успее.

„Тој ја има мојата целосна поддршка“, рече Стармер.

 

фото/ЕПА

Текстот Велика Британија има нов премиер, четврти за четири години е превземен од МАКФАКС.