(Видео) Берлин очекува големи протести, зајакнати полициски сили околу Бундестагот

Берлинската полиција, засилена со полициски единици од цела Германија, е распоредена во поголемиот дел од центарот на Берлин пред очекуваните граѓански протести.

Пратениците во германскиот Бундестаг денес ќе одлучат за нацрт-законот што ќе и овозможи на германската влада сама да воведе анти-епидемиски ограничувања, без собраниска процедура, се наведува во извештајот на АП.

Владата забрани серија најавени протести пред Бундестагот од безбедносни причини, но собирите не се забранети во другите делови на германската престолнина.

Поставени се заштитни огради околу државните институции во случај демонстрантите да не ја почитуваат забраната за собири.

#BERLIN ?| Livehttps://t.co/zOGloxKmxl

— derblauekreis (@derblauekreis) November 18, 2020

Голема група луѓе се собра утрово кај Бранденбуршката Порта, недалеку од зградата на парламентот, а само неколкумина од нив имаа заштитни маски и се придржуваа до пропишаната физичка оддалеченост.

BERLIN (AP) — Berlin police, bolstered by forces from around the country, cordoned off a wide perimeter around the capital’s government center on Wednesday ahead of expected protests as parliament votes on a bill that would strengthen the https://t.co/tDRcMWAZdt

— WatchOurCity.com (@WatchOurCity) November 18, 2020

Неодамнешните протести во Лајпциг предизвикаа хаос затоа што илјадници луѓе не ги почитуваа полициските наредби – да носат маски и да ги растераат насобраните.

Иако повеќето Германци ги прифаќаат и почитуваат најновите мерки на владата, критичарите тврдат дека усвојувањето на новиот закон ќе и даде на германската влада премногу моќ и ќе ги загрози граѓанските права на Германците, бидејќи тие нема да бидат усвоени во Бундестагот, објави „Ројтерс“.