(Видео) Вагоните преполовени,објавена снимка од воздух од железничката несреќа во Шпанија

Местото на несреќата каде вчера вечер се судрија два воза во Шпанија е снимено од хеликоптер утрово. Цивилната гарда продолжува да го проверува подрачјето каде што се случила железничката несреќа во Адамуз, користејќи ги сите расположиви ресурси, вклучително и хеликоптери.

Погледнете го видеото објавено од службите за итни случаи кое покажува како изгледа моментално местото на железничката несреќа во Адамуз.

Во возот имало 294 лица, вели компанијата што го поседува возот што прв излета од шините.

Поради сериозната несреќа, премиерот на Шпанија, Педро Санчез, ја откажа посетата на Светскиот економски форум, кој се одржува во Давос, Швајцарија, од 19 до 23 јануари.

Санчез ги откажа сите планирани обврски за добивање информации од прва рака за ситуацијата по излетувањето на два брзи воза што се случи вчера.

Текстот (Видео) Вагоните преполовени,објавена снимка од воздух од железничката несреќа во Шпанија е превземен од МАКФАКС.