(Видео) Див дабар виден во Велика Британија за првпат по 400 години

Во природниот резерват Пенсторп, Норфолк, за првпат по повеќе од 400 години е забележан див дабар. Животното е снимено на камера додека собира дрвја за своето живеалиште покрај речен брег, оставајќи ги експертите збунети за неговото потекло.

Менаџерот на резерватот, Ричард Споуџ, рече дека дабарот престојува во изолиран дел од резерватот околу еден месец и можеби патува кон соседните мочуришта во потрага по храна. Првите знаци за присуство биле карактеристични траги на дрвја, по што биле поставени камери.

Реинтродукцијата на дабарите во Англија започна во 2015 година, а диви популации се забележани и во Дорсет, Кент, Хемпшир, Сомерсет и Шкотска.

Потеклото на дабарот од Пенсторп останува мистерија.

„Од наша гледна точка, тоа е диво животно и има право да биде тука“, заклучи Споуџ.

Текстот (Видео) Див дабар виден во Велика Британија за првпат по 400 години е превземен од МАКФАКС.