(Видео) Жена од САД, во авион нападнала маж затоа што не носел маска

На лет на „Делта ерлајнс“ од Тампа до Атланта, една жена нападнала постар маж, јавуваат американските медиуми.

Се се случило на 23 декември, а жената наводно го удрила и плукнала 80-годишникот.

За инцидентот е уапсена Патриша Корнвол (51).

Delta flight from Tampa to Atlanta got crazy‼️ pic.twitter.com/I9BZUKv3LB

— ATL Uncensored | Atlanta News (@ATLUncensored) December 25, 2021

„Стави маска“, му викнала таа на човекот, носејќи ја и самата нејзината маска под брадата.

Мажот одговорил дека не мора да носи маска бидејќи јаде, а потоа ја навредувал, по што жената го удрила и плукнала.

Полицијата и ФБИ, според написите, одбилa да го потврди идентитетот на жената а не е познат ниту идентитетот на нападнатиот маж.

Полициската управа на Атланта во соопштение извести дека полицајците го дочекале летот и ја привеле жената.

Нејзиниот адвокат пред судот потврди дека таа е во затвор од 23 декември.