(Видео) Израелскиот кандидат за Евровизија загина во војната во Газа

Резервистот на израелската армија Шаул Гринглик (26) е убиен во Појасот Газа, само неколку недели по аудицијата за телевизиското шоу за песна на Евровизија во земјата.

Гринглик пред неколку недели помина на аудиција во шоуто во кое се избираат кандидатите кои ќе го претставуваат Израел на Евровизија 2024 во Шведска.

На 3 декември се појави во израелското шоу „Израелската ѕвезда во подем“, а во тоа време беше на одмор откако беше мобилизиран во војната против Хамас.

Облечен во војничка униформа, тој отпеа популарна балада и доби „зелено светло“ за следната селекција. Еден од судиите, пишувајќи по смртта на Гринглик за судирите во северниот дел на Газа, рече дека Шаул се откажал од натпреварот, поради неговите должности.

„Оваа година ја замислив поинаку, како година на аспирации и живеење на моите соништа. Сега го живеам мојот стар сон, да се борам за државата. Новиот, поинаков сон ќе треба да почека малку“, напиша Гринглик на 14 декември на Фејсбук.

Текстот (Видео) Израелскиот кандидат за Евровизија загина во војната во Газа е превземен од МАКФАКС.