(Видео) „Како во Северна Кореја“: објавено како ќе изгледа претседателската библиотека на Трамп

Фондацијата задолжена за изградба на претседателската библиотека на Доналд Трамп ги објави првите рендери на проект кој отстапува од сите претходни – тоа е висок облакодер во центарот на Мајами. Ерик Трамп, синот на претседателот и доверител на фондацијата, ги сподели плановите за библиотеката на социјалните мрежи синоќа, вклучувајќи видео кое го прикажува изгледот на зградата што треба да се изгради на земјиште купено од Miami Dade College, пишува Политико.

„Оваа зграда на брегот на Мајами ќе остане траен споменик на еден извонреден човек, неверојатен претприемач и најголемиот претседател што нашата нација некогаш го имала“, рече Ерик Трамп.

FIRST LOOK: The Donald J. Trump Presidential Library is officially here.

Over the past six months, I have poured my heart and soul into this project with my incredible team at @Trump.

This landmark on the water in Miami, Florida will stand as a lasting testament to an… pic.twitter.com/azV1hx0HG2

— Eric Trump (@EricTrump) March 31, 2026

Визуелизацијата прикажува облакодер кој се издига над заливот Бискејн, со името на Трамп напишано со големи букви во стил сличен на градежните проекти што неговата компанија ги развила пред тој да влезе во политиката.

Зградата, исто така, ќе ја надмине соседната Кула на слободата, обележје на Мајами кое обработуваше апликации за американско државјанство за Кубанците кои бегаа од комунистичката револуција.

Внатрешните рендери сугерираат дека библиотеката ќе има голем број дизајнерски елементи што потсетуваат на реновирањата на Белата куќа од страна на Трамп. Една слика прикажува ходник обложен со плочи на поранешни претседатели, слични на „Патеката на славните“ што Трамп ја поставил во Западното крило на Белата куќа.

Друг рендер прикажува голема балска сала чиј дизајн речиси целосно се совпаѓа со плановите за новата балска сала што Трамп ја гради во Белата куќа. Планирана е и реплика на Овалната соба, со препознатливи златни украси, златни завеси и раскошни детали што ги претпочита претседателот.

Spot the difference between Trump's renders for his Presidential library and the Mansudae Grand Monument in Pyongyang… pic.twitter.com/F7fqGrnrdl

— Lib Dunk (@libdunkmedia) March 31, 2026

На социјалните мрежи се шират коментари во кои естетиката на библиотеката на Трамп се споредува со севернокорејските споменици на владејачката династија Ким.

Во големиот атриум, како што покажуваат визуализациите, ќе бидат изложени неколку американски воени авиони, вклучувајќи го и луксузниот Боинг 747 што Катар му го подари на Трамп. Кога подарокот беше објавен минатата година, Белата куќа соопшти дека ќе го донира авионот на библиотеката на Трамп, која ќе ја преземе сопственоста откако тој ќе ја напушти функцијата.

Текстот (Видео) „Како во Северна Кореја“: објавено како ќе изгледа претседателската библиотека на Трамп е превземен од МАКФАКС.