(Видео) Почина еден од полицајците повреден во нападот пред Конгресот на САД

Почина еден од двајцата полицајци повредени во нападот во близина на зградата на американскиот Конгрес во Вашингтон. Американските медиуми јавуваат дека во болница починал и напаѓачот.

„Ова е исклучително тешко време за полицијата во Капитол по настаните на 6 јануари“, соопшти полицијата.

BREAKING: At least 1 person down outside the U.S. Capitol pic.twitter.com/kz4Opkbmc6

— BNO News (@BNONews) April 2, 2021

Почина и напаѓачот кој со неговиот автомобил влета во барикадата и беше застрелан од полицијата.

Претседателката на Претставничкиот дом, Ненси Пелоси, нареди знамињата да се спуштат на половина копје.

Зградата на Конгресот беше под опсада на 6 јануари, кога приврзаниците на поранешниот американски претседател Доналд Трамп предизвикаа немири во кои беа убиени пет лица.