пред 3 години Маж избодел шест членови на едно семејство додека спиеле во куќа во Филаделфија, по што бил уапсен во близина, јавува „Асошиетед прес“.
Како што се наведува, полицијата реагирала околу 4 часот утрото и нашла шест лица со убодни рани.
Три жени се хоспитализирани во критична состојба, додека двајца мажи и жена се во стабилна состојба, соопшти полицијата. Меѓу најтешко повредените е 49-годишна жена за која полицијата тврди дека била избодена неколку пати во вратот, главата и грбот.
Осомничениот напаѓач, кого полицијата го опишува како 29-годишен маж кој живеел во куќата, бил пронајден неколку блока подоле, облеан во крв со расекотини на рацете, по што бил пренесен на лекување во болница.
Жртвите биле на возраст од 26 до 57 години, соопшти полицијата.