Во невреме во Јапонија исчезна туристички брод со 26 луѓе

Туристички брод со 26 луѓе исчезна денеска во невреме, во северниот дел на Јапонија, откако испратил повик за помош и пријавил дека тоне, соопшти крајбрежната стража.

По повеќе од седум часа интензивна потрага во која учествуваа шест патролни чамци и четири авиони, не беа пронајдени преживеани, пренесе АП.

19-тонскиот Казу 1 упати итен повик во раните попладневни часови, во кој наведе дека лакот на бродот бил поплавен, потонал и се навалил на западниот брег на полуостровот Ширетоко на северниот остров Хокаидо, соопшти крајбрежната стража.

После тоа е изгубен контактот со бродот, изјавила крајбрежната стража.

Во него имало 24 патници и двајца членови на екипажот.