Голем прекин на струја ја парализира целата Доминиканска Република

Прекин на електричната енергија ја погоди целата Доминиканска Република во вторникoт, парализирајќи ја целата земја, блокирајќи го сообраќајот и парализирајќи ги бизнисите во земјата со речиси 11 милиони жители.

Службениците изјавија дека дефектот потекнува од преносниот систем на електричната мрежа, иако не беше веднаш јасно што го предизвикало, објави „Си-би-ес њуз“.

„Генераторските единици во Сан Педро де Макорис и електраната Кискеја беа исклучени, што предизвика серија дефекти во други преносни и производствени постројки“, се вели во соопштението на доминиканската компанија за дистрибуција на електрична енергија.

Прекинот на електричната енергија ги наруши системите за јавен превоз, вклучувајќи ги жичарниците и метрото во главниот град Санто Доминго, и сè уште не е јасно кога ќе се обнови и нормализира снабдувањето со електрична енергија.

Текстот Голем прекин на струја ја парализира целата Доминиканска Република е превземен од МАКФАКС.