Го изгубиле кучето на одмор, а тоа патувало 380 километри и се вратило дома

Куче кое се изгубило на одмор, подоцна се појавило во неговиот роден град 380 километри подалеку, во Франција.

На враќање од одмор во Италија, сопствениците на ловечкиот териер Пабло застанале во францускиот регион Савој, објави радио станицата „Франс Блеу“.

Двегодишното куче излегло од камперот за да прошета малку, но, невообичаено, не се вратило.

Неговите сопственици залудно чекале со часови. Следниот ден, тие го пријавиле исчезнувањето на Пабло, а потоа го продолжиле својот пат за да ги посетат роднините.

По неколку дена, тие добиле фотографија од кучето од познаници кои се грижеле за нивната куќа на југот на Франција. Сопствениците биле пресреќни и веднаш се вратиле дома. По овој инцидент, одлучиле да му купат ГПС околувратник, за да не го изгубат повторно.