Дмитриев: Критичарите на американскиот план за Украина го саботираат мирот и профитираат од војната

Критичарите на американскиот план за мирно решавање во Украина го саботираат мирот предлагајќи нереални решенија, профитирајќи од војната, изјави Кирил Дмитриев, претседател на Рускиот фонд за директни инвестиции (RDIF) и специјален претставник на рускиот претседател за инвестиции и економска соработка со странски земји, пренесува РИА Новости.

Порано, портпаролката на Белата куќа, Каролин Ливит, изјави дека критичарите на американскиот план за решение за Украина, вклучувајќи бројни американски сенатори, немаат поим за што зборуваат и дека можеби профитираат од продолжувањето на конфликтот.

„Оние кои профитираат од војната го саботираат мирот предлагајќи нереални решенија“, напиша Дмитријев на социјалната мрежа X, коментирајќи ја изјавата на портпаролката на Белата куќа.

Претходно, републиканската конгресменка Ана Паулина Луна изјави дека американските републикански сенатори се обидуваат да ја спречат американската администрација да постигне решение за конфликтот во Украина затоа што инвестирале пари во воено-индустрискиот комплекс, што, како што наведе, е грубо кршење на законот, пренесува Танјуг.

Како што објави денес „Фајненшл тајмс“, Републиканската партија во Конгресот на САД е поделена околу предложениот план на Вашингтон за решавање на украинскиот конфликт, при што некои конгресмени ја критикуваат иницијативата, а други ја бранат.

Фото: принтскрин

Текстот Дмитриев: Критичарите на американскиот план за Украина го саботираат мирот и профитираат од војната е превземен од МАКФАКС.