Дрон влезе во Романија и се урна, бил во воздух четири минути

Министерството за одбрана на Романија потврди дека мало беспилотно летало се урнало на североистокот од земјата. Поминало околу четири минути во романскиот воздушен простор пред да се сруши. Авионот се урна во близина на градот Солча во округот Сучава.

Министерството вели дека нема повредени или материјална штета. Екипи на Министерството за внатрешни работи го обезбедиле подрачјето и ги пронашле остатоците од дронот, а на местото на падот немало пожар.

На инцидентот му претходело откривање на неидентификувана воздушна цел над Украина, недалеку од границата со романскиот округ Ботошани.

Откако радарскиот систем ја детектирал целта, два борбени авиони Ф-16 на романското воздухопловство биле полетани од воздухопловната база Борча за да извршат надзор. Во 6:26 часот наутро по локално време, било издадено јавно предупредување за населението на окрузите Ботошани и Сучава. Министерството за одбрана додаде дека во 7:21 часот наутро, хеликоптер IAR-330 SOCAT бил испратен и од базата Бакау за да ја испита областа.

Текстот Дрон влезе во Романија и се урна, бил во воздух четири минути е превземен од МАКФАКС.