Ердоган за членството на Шведска и Финска во НАТО: Нема да го промениме ставот додека не се исполнат нашите очекувања

Во говорот во Анкара, турскиот претседател и лидер на АК Партијата Реџеп Таип Ердоган рече дека Турција останува посветена на членството на Шведска и Финска во НАТО, јавува Анадолија.

var ai_block_div = document.getElementsByClassName (‘ai-viewports’); ai_insert_code (ai_block_div [ai_block_div.length – 1]);

– Нема да го промениме ставот додека не се исполнат нашите очекувања што им ги пренесовме на нашите соговорници – рече Ердоган во својот говор на затворањето на 30. консултативен состанок на АК Партијата што се одржа во Анкара.

Шведска и Финска официјално поднесоа барање за влез во НАТО на 18 мај, одлука поттикната од руската војна против Украина, која започна на 24 февруари.

Турција, долгогодишна членка на алијансата, се спротивстави на нивните кандидатури за членство, критикувајќи ги тие земји дека толерираат и поддржуваат групи како ЈПГ/ПКК и ФЕТО.

Сите апликации за членство во НАТО мора да бидат едногласно прифатени во 30-члена алијанса.

Во своето обраќање, Ердоган исто така посочи дека глобалниот систем на управување што Западот го изгради за да ја заштити сопствената безбедност и просперитет сега пука во политичка и економска смисла.

Тој исто така истакна дека Турција секогаш ќе биде со угнетените во светот.

„Без разлика на цената што ја плаќаме, ќе продолжиме да им се спротивставуваме на угнетувачите и ќе ги поддржуваме угнетените“, рече Ердоган.

Тој рече дека ќе продолжи да води политика со задржување на чесен став каде и да се угнетените во светот, од Сирија до Ирак, од Либија до Карабах, од Балканот до Африка и од Црното Море до Медитеранот,пренесе Аваз.ба.