пред 4 години Европската Унија во моментов не може да донира вакцини против коронавирус во посиромашните земји, речепретседателката на Европската комисија, Урсула фон дер Лајен.
„Постои голем притисок врз земјите-членки да набават вакцина за себе“, рече Фон дер Лајен за „Функе медија груп“.
Сепак, шефицата на ЕК ја нагласи финансиската поддршка на Унијата за иницијативата „Ковакс“ и напорите на Светската здравствена организација да им обезбеди на посиромашните земји пристап до вакцините.
„Европската Унија инвестираше 2,2 милијарди евра во оваа иницијатива. Ковакс веќе испорача 30 милиони дози во 52 земји”, рече Фон дер Лајен.
Механизмот што му овозможува на блокот да споделува вакцини директно со другите земји нема да започне „сè додека немаме подобра состојба на производство во ЕУ“, рече шефицата на Комисијата.
Лајен вчера се закани дека може да и забрани на „Астра зенека“ да извезува вакцини надвор од ЕУ.
Би можело да ве интересира
Ердоган: Настаните во Газа се несреќа, катастрофа и злосторство против човештвото
Зеленски до мајките на руските војници: Проверете дали вашите деца се живи
Во Њујорк отстранета статуа од Рузвелт поради расизам
Исак Херцог положи заклетва за нов претседател на Израел
Познати личности од целиот свет му напишаа писмо на Путин
Навални е во стабилна здравствена состојба
