пред 3 години Руското Министерство за надворешни работи реагираше по одлуката на Албанија да го протера рускиот дипломат Алексеј Кривошев поради непочитување на мерките против коронавирусот.
Министерството наведува дека таквиот потег нема да остане без одговор.
Во изјава за РИА новости, рускиот заменик- министер за надворешни работи Александар Грушко одлуката на албанските власти ја нарече провокација.
„Ова е јасна провокација насочена кон влошување на руско-албанските односи, и секако таквиот потег, кој не е пријателски, нема да остане без одговор“, рече Грушко.
Албанија го прогласи рускиот дипломат Алексеј Кривошев за персона нон грата во четвртокот и му нареди да ја напушти земјата во рок од 72 часа по поднесувањето на официјалното известување.
Одлуката на Владата на Албанија се однесува на фактот дека рускиот дипломат, во неколку наврати, не ги почитуваше мерките воведени од властите за да се заштитат од Ковид-19.
Би можело да ве интересира
Саливан: Москва и Вашингтон не можат да се разделат
Експерт за говорот на телото: „Двајца „тешкаши“ и еден аматер“, кои пораки ги испраќаат Путин, Бајден и Зеленски
Киоск за цигари во Тирана се користел за продажба на кокаин
Од денес повторно отворени училиштата и продавниците во Австрија
„Фајзер“ произведе 70 милиони вакцини до крајот на минатата година
Сите нови случаи во Кина се увезени
