Зеленски: Зад експлозиите во прорускиот регион Молдавија стојат руски специјални служби

Украинскиот претседател Володимир Зеленски изјави дека руските специјални служби стојат зад серијата експлозии во прорускиот отцепен регион Молдавија.

Во Приднестровје, кое се граничи со Украина, последните денови имаше голем број напади. Уништени се две радиокули, нападната е воена единица, имаше експлозии и во Министерството за државна безбедност, кое наводно било погодено од фрлач на гранати.

Проруската влада на Придњестровје прогласи црвен аларм поради тероризам. Но, Украина тврди дека ова се лажни напади со цел лажно да се обвини Украина и да се вовлече друг проруски сепаратистички регион во војна.

Претходно, главниот советник на претседателот Путин изјави дека луѓето кои говорат руски јазик во Молдавија биле угнетувани, што е истото оправдување со кое Русија ја нападна Украина.

1.500 руски војници се стационирани во отцепениот регион Молдавија, кој досега не влезе во украинската војна.

Украина стравува дека може да се отвори нов фронт на западот од земјата или дека Русија може да има изговор да се пробие се до Молдавија, пишува „Скај њуз“.