Земан до лидерите на ЕУ: Бајден не се плашеше од контакт со Путин, зошто вие се плашите?

Американскиот претседател Џо Бајден не се плашеше од средба со неговиот руски колега Владимир Путин, а не треба да се плашат ниту претставниците на Европската Унија, изјави претседателот на Чешка, Милош Земан.

„Луѓето треба да комуницираат. Доколку не го сторат тоа, може да бидат осомничени дека имаат комплекс со пониска вредност, и затоа се плашат од контакт со другата страна. Бајден не се плашеше од контактите со Путин. Зошто треба да се плашат претставниците на ЕУ?“, рече Земан, имајќи ја предвид првата средба меѓу лидерите на Америка и Русија, што се одржа на 16 јуни во Женева.

Претседателот на Чешка изјави дека Русија треба да се земе предвид и дека е важен економски партнер.

Претходно агенциите објавија дека лидерите на земјите од ЕУ го одбиле предлогот на Германија и Франција да организираат самит со претседателот на Русија, Владимир Путин.

Во врска со тоа, Кремљ рече дека жали што не е постигнат договор за одржување на самит Русија-ЕУ на состанокот на лидерите на ЕУ и потсети дека Путин сè уште е заинтересиран за воспоставување работни односи меѓу Москва и Брисел.