ИДФ: Во тек е четврто ослободување на заложниците; продолжувањето на примирјето сè уште не е конечно

Портпаролот на ИДФ, Даниел Хагари вели дека четвртото ослободување на заложниците е „во тек“. Тој исто така вели дека продолжувањето на привремениот прекин на огнот со Хамас не е конечно.

„Го менаџираме договорот преку посредници деноноќно. Ништо не е конечно додека не се случи“, вели тој. „Работите напредуваат и вечерва, но потребно е трпение“.

Хагари го критикува Хамас за неговите пропагандни видеа кои го прикажуваат ослободувањето на заложниците во последните денови. „Десетици видеа на терористи како мавтаат нема да ја сокријат бруталноста на Хамас“, вели тој.

Тој, исто така, вели дека одговорноста за семејството Бибас, кои беа земени како заложници од Хамас, но предадени на друга терористичка група, е на Хамас.

Префрлувајќи се на англиски, Хагари зборуваше за 84-годишната Елма Аврахам, која беше ослободена од заробеништво на Хамас, а која е во критична состојба.

„Синоќа Елма Аврхам беше ослободена од заробеништво на Хамас. Таа била итно пренесена во болница во критична состојба. Елма има 84 години, таа е мајка, баба и прабаба“, вели Хагари.

Текстот ИДФ: Во тек е четврто ослободување на заложниците; продолжувањето на примирјето сè уште не е конечно е превземен од МАКФАКС.