Исчезнатата американска актерка пронајдена мртва

Американската актерка Линдзи Перлман, позната по улогите во телевизиските серии „Чикаго правда“ и „Империја“, беше пронајдена мртва во петокот во Лос Анџелес, неколку дена откако беше пријавено нејзиното исчезнување.

Таа имаше 43 години.

„Денеска околу 8:30 часот, холивудските полицајци одговорија на повикот да ја истражат смртта на авенијата Френклин. Канцеларијата на судски лекар во округот Лос Анџелес потврди дека станува збор за Линдзи Ерин Перлман“, се вели во соопштението на полицијата на Лос Анџелес.

Според Си-Ен-Ен, причината за смртта засега е непозната.

Нејзините пријатели и семејството претходно ја пријавија нејзината исчезната и побараа помош од јавноста да ја најдат кога таа не се врати дома на 13 февруари.

LA people, my cousin – Lindsey Pearlman – is missing. Her phone last pinged on Sunset blvd.

My uncle is offering a reward that leads to finding her, please keep your eyes open. #MissingPerson #LA pic.twitter.com/nQZ9wqpU6R

— Savannah Pearlman (@Savannah__P) February 17, 2022

Последен пат била видена во Холивуд, на неколку километри од местото каде што е пронајдено нејзиното тело, соопшти полицијата.

Перлман имаше забележителни улоги во сериите „Чикаго правда“, „Империја“, „Селена: серијата“, „Шоуто на г-ѓа Пат“, „Американска домаќинка“, „Порочен“ и „Општа болница“.