Канада со 15 случаи на омикрон

Канада откри вкупно 15 случаи на омикрон, а трендовите на сериозни болести низ земјата би можеле повторно да се зголемат, соопштија канадските здравствени власти.

Федералната влада соопшти дека ја поддржува препораката на Националниот советодавен одбор за имунизација дека сите возрасни постари од 50 години треба да примат трета доза од вакцината шест месеци откако ќе бидат вакцинирани со втората доза, пренесува Ројтерс.

Официјална Отава минатата недела објави дека ќе бара од патниците кои пристигнуваат со авион од сите земји, освен од САД, да бидат тестирани за Ковид-19 и ја продолжи забраната за пристигнување на патници од 10 земји од Јужна Африка.

Здравствената службеничка Тереза ​​Тем прво им кажа на новинарите дека има 11 случаи на омикрон во Канада.

Неколку часа подоцна, градот Јорк објави дека на дете помладо од 12 години му бил дијагностициран новиот сој омикрон.

Детето неодамна отпатувало во Јужна Африка, се вели во соопштението.

Според локалните здравствени власти, две лица од заразените неодамна се вратиле од Нигерија, додека едно лице се вратило од Швајцарија.