пред 3 години Германските власти уапсија и обвинија германски државјанин под сомнение дека шпионирал за кинеските тајни служби, соопшти германското обвинителство.
Во соопштението се наведува дека обвинетиот, идентификуван како Клаус Л., е политиколог и работи во група експерти од 2001 година.
Кинеската разузнавачка служба го ангажирала обвинетиот за време на неговото патување во Шангај во 2010 година, по што тој до ноември 2019 година, редовно испраќал информации за пари и патувања во Кина.
Обвинетиот денеска ќе се појави на суд во Минхен. Клаус Л, наводно, добивал информации преку високи политички контакти што ги сретнал додека работел со група експерти.
Телевизијата АРД тврди дека обвинетиот работел за фондацијата Ханс Зајдел во Минхен, блиска до Христијанско-социјалната унија на Баварија (ЦСУ), сојузник на канцеларката Ангела Меркел.
Би можело да ве интересира
Договорени се повеќе хуманитарни коридори за Суми
(Во живо) Четврти ден од руската инвазија на Украина, руските сили навлезени во Харков, силни експлозии во Киев
Кремљ: Нема да поставуваме ултиматуми до НАТО, но ситуацијата е во критична точка
Eвропската Kомисија поведе правна постапка против „Астра зенека“
Лавров повика на укинување на санкциите за Иран
Откажана посетата на Помпео во Европа, лидерите на ЕУ одбиле да се сретнат со него
