Кремљ предупредува: Патувањето во Европа е опасно за руските граѓани

Портпаролот на Кремљ, Дмитриј Песков, оцени дека патувањето во Европа во моментов е ризично за руските државјани.

„Посетите на европските земји во моментов се опасни за руските државјани. Тоа можам да го кажам со целосна сигурност и одговорност“, изјави Песков во интервју за руската платформа „Вести“, пренесува руската новинска агенција ТАСС.

Изјавата на портпаролот на рускиот претседател Владимир Путин е коментар на најновата препорака упатена до руските граѓани.

Препораката е издадена откако во Црна Гора, поради закана за националната безбедност, беа приведени Михаил Звинчук и четворица негови соработници.

Звинчук е администратор на каналот „Рибар“ (Rybar) на Телеграм, наведува агенцијата ТАСС.

Текстот Кремљ предупредува: Патувањето во Европа е опасно за руските граѓани е превземен од МАКФАКС.