Куфер со кокаин од 9 милиони евра падна врз куќа во Сардинија, пилотот ја промаши целта

Куфер полн со кокаин случајно заврши на соларниот панел на куќа во Италија. Полицијата го идентификувала пилотот кој се обидел да ја предаде дрогата и го уапсила.

Куферот натоварен со кокаин требало да „слета“ во рацете на дилер во италијанскиот град Баратили Сан Пјетро на Сардинија. Наместо да падне во рацете на дилерите, куферот падна на покривот на куќата и го скрши соларниот панел, пишуваат италијанските гласила.

Исплашени сопствениците на домот повикале полиција која открила дека црниот куфер е полн со кокаин вреден 9 милиони евра.

Со помош на снимките од надзорните камери и сведоците се открило дека станува збор за 28-годишен пилот од Рим кој ги превезувал богатите со авион.