Лавров: Европската Унија не треба да применува двојни стандарди со мигрантите

Рускиот министер за надворешни работи Сергеј Лавров ги повика земјите од Европската Унија да избегнуваат двојни стандарди во решавањето на мигрантската криза во Белорусија на границата со Полска и Литванија.

„Потребно е во оваа ситуација да се избегнат двојни стандарди и да се користи вообичаениот пристап во однос на позицијата на луѓето од Европската Унија“, рече Лавров на денешната прес-конференција.

Рускиот министер нагласи и дека оваа криза произлегува од политиката што земјите од НАТО и ЕУ со години ја водат на Блискиот Исток и Северна Африка.

Полската полиција денеска објави видео на кое се гледа како група мигранти кампуваат од белоруската страна на полската граница во текот на ноќта.

Ваквата ситуација уследи по неколкудневните засилени тензии на границата, каде што поголема група мигранти, главно од Блискиот Исток, се обиделе да упаднат во Полска.

Мигрантите се претежно од Ирак и Сирија, иако некои дојдоа од Африка, искористувајќи ја можноста да влезат во Европа преку нова мигрантска рута.

Повеќето се обидуваат само да поминат низ Полска за да стигнат до Германија или други западноевропски земји.

Полска доби силни сигнали за поддршка и солидарност од земјите-членки на ЕУ и САД додека се соочува со граничната криза.