Лукашенко: Белорусија ќе купи оружје од Русија вредно милијарда долари

Претседателот на Белорусија, Александар Лукашенко, објави дека неговата земја планира да купи оружје во вредност од повеќе од милијарда долари од Москва.

Лукашенко денеска присуствуваше на големата белоруско-руска воена вежба „Запад-2021“, која ќе трае до четврток на границата меѓу двете земји.

„Ова е една од најважните вежби за вооружените сили и тие се случуваат во време на хибридна агресија на Западот против Белорусија и Русија“, нагласи Лукашенко, пренесуваат локалните медиуми.

Според него, Белорусија планира да купи оружје од Русија во вредност од повеќе од милијарда долари, а во тек се преговори за испорака на противракетниот систем „С-400“.