пред 3 години Францускиот претседател Емануел Макрон го обвини австралискиот премиер Скот Морисон дека го лажел додека тајно преговарал за договор за снабдување на подморници со САД и Велика Британија.
На прашањето на новинарите дали мисли дека Морисон го лаже, Макрон одговори потврдно.
„Не мислам, туку знам“, рече Макрон.
Минатиот месец Австралија го раскина договорот за купување на француски подморници, вредни неколку милијарди долари и одлучи да купи американски. Канбера ја донесе таа одлука поради влегувањето во безбедносен сојуз со Велика Британија и САД (АУКУС) во индо-пацифичкиот регион.
Формирањето на тој сојуз ја налути Франција, која ги отповика амбасадорите од САД и Австралија.
Макрон и Морисон разговараа за прв пат во четвртокот откако Австралија го раскина договорот со Франција. Двајцата викендов беа во Рим, на самитот на Групата 20 најголеми економии во светот, но не се сретнаа.
Претседателот на Франција го оцени самитот на Г-20 како успешен, особено за прашањето за климатските промени, и покрај многуте поделби меѓу земјите.
Би можело да ве интересира
Кличко: Бројот на луѓе во градот драстично се намали, половина од жените и децата го напуштија Киев
Борис Џонсон и Олаф Шолц се залагаат за јасна порака до Русија, но и дијалог
Британскиот министер за здравство снимен како ја бакнува колешката: „Се извинувам што ги прекршив мерките“
Нов земјотрес со јачина од 3,7 степени во регионот на Јадранско море
Црна Гора не може да чека, кинеската вакцина добива итно одобрување
(Видео) Експлодираше прототип на ракетата на Илон Маск
