пред 3 години Тешко дека во блиска иднина ќе се постигне консензус за мировната мисија на Обединетите Нации во Украина, изјави генералниот секретар на ОН, Антонио Гутереш, во интервју за руските медиуми пред неговата посета на Москва.
„Постојат многу различни ставови во однос на мандатот и улогата што може да ја имаат мировните сили во Украина, така што би рекол дека не е веројатен консензус во блиска иднина“, посочи тој.
Во септември 2017 година, рускиот претседател Владимир Путин излезе со иницијатива за распоредување мисија на ОН на линијата на контакт во Донбас за да се осигура безбедноста на персоналот на Организацијата за безбедност и соработка во Европа (ОБСЕ) .
Путин подоцна рече дека таквата мисија може да се прошири и да ја опфати целата зона на конфликти, под услов самопрогласените републики во Донбас дa го одобрат ваквиот потег.
Украинските власти се обидоа да стават акцент на потребата од полноправна мировна мисија на ОН во регионот, која ќе дејствува како привремена администрација, за да може власта подоцна да биде пренесена во Киев.
Би можело да ве интересира
Кој е мистериозниот талибанец кој ќе владее со Авганистан?
Велика Британија ја одобрува вакцината на „Новавакс“ во април
Пресметки на банди во три затвора во Еквадор, загинаа над 70 затвореници
Во Словенија 2.139 новозаразени и 38 починати
Претседателите на САД и нивните миленици – германските овчари на Бајден се враќаат во Белата куќа
Европа: Во Германија 6.868 новозаболени од коронавирус, во Украина 113 починати
